आ भायळा चौपड़ खेलां टाबरपण का खेल खेलां
धरम चबूतर चौपड़ खेलां
सगळा साथी सागै खेलां
पैळी जाजम ल्याय बिछावां
पछ चौपड़ ल्याय जमावां
च्यार जणा नै भिड़ी बाँटा
काली-पीळी गोट्या छांटा
हरी हरावे, लाल जितावै
काली पीली पासो ल्यावै
कोड्यां फैंका पासो ल्यावां
दाँव-दाँव पर होड़ लगावां
मन चायो पासो घर ल्यावां
पौ बारा पच्चीस लगावां
एक दूजा के ळारै भागां
पीछ पड़ कर गौटी मारां
जमा गोटियाँ तोड़ करावां
काढ बावळी खेल बढावां
प्यारो खेल खेलता जावां
हार-जीत पर सौर मचावां।
कोई टिप्पणी नहीं:
एक टिप्पणी भेजें